Ástjarnarkirkja

Brúðubíllinn í heimsókn

frida — Fri, 03 Feb 2012 13:10:18 +0000

Það verður mikið um dýrðir í kirkjunni næsta sunnudag, þann 5.febrúar, þegar Helga Steffensen í heimsókn með brúðurnar sínar. Leikritið sem að hún ætlar að sýna okkur að þessu sinni heitir Selurinn Snorri. Sagan gerist langt norður í Íshafi þar sem Snorri litli lendir í spennandi ævintýrum á ísbreiðunni. Leikritið fellur inn í fjölskyldumessu kirkjunnar sem að hefst kl. 11:00.

Séra Kjartan leiðir stundina og Bryndís spilar á gítar.

Á eftir verðu boðið upp á hressingu og samverustund í safnaðarrými kirkjunnar.

Verið öll velkomin. Við hvetjum bæði fastagesti og þá sem að hafa verið að bíða eftir tækifæri til að kíkja til okkar að drífa sig í kirkjuna og eyða þar gæðastund saman á sunnudagsmorgni.

Hlökkum til að sjá ykkur.

Styrktar- og minningartónleikar fimmtudaginn 2. febrúar

Heiða Björk Ingvarsdóttir — Tue, 31 Jan 2012 12:28:28 +0000

Guðsþjónusta sunnudaginn 22. janúar kl. 11.00

Heiða Björk Ingvarsdóttir — Fri, 20 Jan 2012 13:43:05 +0000

Kór Ástjarnarkirkju leiðir söng við undirleik Helgu Þórdísar. Sr. Jakob Ágúst Hjálmarsson leiðir stundina.
Sunnudagaskóli á sama tíma undir stjórn Fríðu.

Allir hjartanlega velkomnir. Heitt á könnunni og samfélag eftir stundina.

Styrktar- og minningartónleikar í minningu Arndísar Þórðardóttur

Heiða Björk Ingvarsdóttir — Fri, 13 Jan 2012 23:56:36 +0000

Kærleikshópur Ástjarnarkirkju hefur í samstarfi við kór kirkjunnar verið að vinna að styrktar- og minningartónleikum til styrktar krabbameinsfélagi Íslands í minningu Arndísar þórðardóttur fyrrum meðlims Kórs Ástjarnarkirkju, en hún lést í lok október á síðasta ári eftir erfiða baráttu við krabbamein.

Tónleikarnir verða haldnir í Víðistaðakirkju í Hafnarfirði fimmtudaginn 2. febrúar nk. kl: 20:00. Þetta verður sannkölluð tónlistarveisla en við höfum fengið til liðs við okkur marga af ástsælustu söngvurum landsins eins og Diddú, Jóhann Friðgeir, Sigríði Beinteins, Bjarna Ara, Regínu Ósk og Svenna, Jögvan, Svavar Knút, Loft Erlingsson og Erling Snæ Loftsson. Karlakór Selfoss heiðrar okkur með nærveru sinni og Kór Ástjarnarkirkju mun að sjálfssögðu syngja nokkur vel valin lög. Hljómsveit Hjartar Howser sér um undirleik.

Miðaverð á tónleikana er 2.000.- kr. og rennur allur ágóði til krabbameinsfélags Íslands.
Miðasalan verður alla daga nema laugardaginn 21.janúar frá kl: 14-18 í Ástjarnarkirkju, Kirkjuvöllum 1 í Hafnarfirði og hefst miðvikud. 18.jan. Einnig verður hægt að kaupa miða gegn símgreiðslu í síma 862-4675 utan almenns sölutíma.

Fjölskyldumessa sunnudaginn 8. janúar 2012 kl. 11.00

Helga Þórdís Guðmundsdóttir — Tue, 03 Jan 2012 21:15:55 +0000

Sr. Kjartan Jónsson leiðir stundina ásamt Fríðu sunnudagaskólakennara. Helga Þórdís leikur á píanó og leiðir safnaðarsöng.

Allir hjartanlega velkomnir, heitt á könnunni og notalegt samfélag eftir stundina

Helgihald um jól í Ástjarnarkirkju

Helga Þórdís Guðmundsdóttir — Sat, 24 Dec 2011 13:11:44 +0000

Á aðfangadag verður fjölskyldumessa kl. 16.00. Áslaug Fjóla Magnúsdóttir leiðir safnaðarsöng og syngur einsöng við undirleik Helgu Þórdísar Guðmundsdóttur. Sr. Kjartan Jónsson leiðir stundina.

Aftansöngur er síðan kl. 18.00 í Ástjarnarkirkju og þá verða hátíðarsvör sr. Bjarna sungin af Kór Ástjarnarkirkju. Sr. Kjartan Jónssön leiðir stundina, organisti er Helga Þórdís Guðmundsdóttir og mun hún leika píanótónlist frá kl. 17.30.

Á Jóladag er hátíðarmessa í Ástjarnarkirkju kl. 14.00. Kór Ástjarnarkirkju syngur undir stjórn Helgu Þórdísar og sr. Kjartan leiðir stundina.

Verið innilega velkomin að njóta jólahátíðarinnar með okkur í Ástjarnarkirkju.

Ingi Þór Hafbergsson fv. æskulýðsfulltrúi er látinn

Kjartan Jónsson — Thu, 15 Dec 2011 14:18:06 +0000

Ingi Þór Hafbergsson er látinn aðeins 33 þriggja ára að aldri.
Hann lést á sjúkrahúsi þriðjudaginn 13. desmeber.
Ingi Þór var fyrsti æskulýðsfulltrúi Ástjarnarkirkju og gegndi því starfi frá því vorið 2004 til haustsins 2010 við góðan orðstír. Hann var ókvæntur og barnlaus en lætur eftir sig unnustu. Þar sem Ástjarnarsókn átti enga kirkju fyrstu árin eftir stofnun hans fékk hún m.a. inni með starfsemi sína í Áslandsskóla fyrir barna- og unglingastarfið þar sem Ingi var hálfgerður starfsmaður. Mörg börn hafa komið við í starfi Inga Þórs sem eiga margar góðar minningar um hann og samskiptin við hann. Hann er mörgum þeirra harmdauði. Við þökkum Guði fyrir góðan dreng og blessum minningu hans.

Starfsfólk og sóknarnefnd Ástjarnarsóknar vottar aðstandendum hans og vinum dýpstu samúð. Útförin verður gerð frá Grafarvogskirkju miðvikudaginn 21. desmeber kl. 13:00.

Guðsþjónusta 18. desember kl 11:00

Kjartan Jónsson — Thu, 15 Dec 2011 14:03:38 +0000

Guðsþjónusta með léttu sniði þar sem aðventa og jól verða í forgrunni og jólasaga verður lesin. Kór kirkjunnar syngur undir stjórn Helgu Þórdísar Guðmundsdóttur. Prestur er sr. Kjartan Jónsson.

Sunnudagaskólinn verður með sína dagskrá í safnaðarheimili á sama tíma undir stjórn Hólmfríðar S. Jónsdóttur.

Hressing á eftir og gott samfélag.

Jólastund fjölskyldunnar sunnudaginn 11.desember

frida — Mon, 05 Dec 2011 17:15:39 +0000

Þriðja sunnudag í aðventu kemur Stoppleikhópurinn í heimsókn og sýnir jólaleikritið Sigga og skessan í fjallinu. Leikritið byggir á fyrstu bókinni í bókaflokki Herdísar Egilsdóttur um Siggu og vinkonu hennar í fjallinu.

Kjartan Jónsson stjórnar jólastundinni. Áður en leikritið hefst verður kveikt á þriðja kerti aðventukransins.

Auk þess verða sungin nokkur jólalög undir stjórn Helgu Þórdísar Guðmundsdóttur.

Verið öll hjartanlega velkomin.

Aðventuhátíð barnanna sunnudaginn 4. desember kl: 11:00

Heiða Björk Ingvarsdóttir — Tue, 29 Nov 2011 22:48:01 +0000

Á öðrum sunnudegi í aðventu, þann 4. desember næstkomandi er fjölskylduguðsþjónusta í Ástjarnarkirkju kl: 11:00.

Barnakór Ástjarnarkirkju syngur jóla- og aðventulög undir stjórn Helgu Þórdísar Guðmundsdóttur tónlistarstjóra.

Fríða og Bryndís, sunnudagaskólakonur, segja söguna um hirðana og sýna stutta mynd um aðventustúss þeirra Hafdísar og Klemma.

Séra Kjartan Jónsson leiðir stundina.

Gott samfélag, kakó, piparkökur og mandarínur að stundinni lokinni.

Allir hjartanlega velkomnir