Dagskrá Kirkjuprakkaranna er fáanleg í kirkjunni og starfið opið öllum börnum á aldrinum 6-9 ára (1-4 bekk)

Það er mjög ánægjulegt að 6-9 ára hópurinn hefur farið stækkandi. Við fylgjum fyrirfram ákveðinni dagskrá sem er að hluta til sköpuð af hópnum.

Í september var farið í spennandi hellaferð í Heiðmörk þar sem skoðaðir voru tveir hellar. Þessir hellar áttu það sameiginlegt að hafa lítil op sem gáfu enga vísbendingu um hvað var í vændum.

Þegar við höfðum komið okkur fyrir ofan í fyrri hellinum, slökktum við á vasaljósunum. Í algeru niðamyrkri fórum við saman með orð Jesú: Ég er ljós heimsins, sá sem fylgir mér mun ekki ganga í myrkri heldur hafa ljós lífsins. Í seinni hellinum sungum við og fengum við okkur hressingu, kleinur og svala. Þetta var sannkölluð ævintýraferð í iður jarðar.

Í október var búningadagur og búið til söngvídeó sem hefur verið sett á youtube.com.

Thumbnail

Thumbnail
13. nóvember höfðum við ratleik. Veðrið var gott þannig að 4 spjaldanna voru utandyra en 13 voru dreifð um kirkjuna. Leikurinn lukkaðist svo vel að beðið var um annan seinna. 🙂
20.nóv er stórt spurningamerki í dagskránni og bíða allir spenntir eftir hvað muni gerast þá 😀